Eskolaz kanpoko ekintzen zerrendak 2019-2020

Familia:

2019-2020 Ikasturteko eskolaz kanpokoen zerrendak publikatu ditugu.

Ekintza guztiei urriaren 1 etik aurrera emango diegu hasiera.

Sarrera nagusiaren eskuinetara dagoen berja gorridun atetik izango da sarrera ikasturte  osoan (HH02 ko ikasleak ateratzen diren atetik).

Gurekin harremanetan jartzeko,  udaberriige@gmail.com era idatzi edo idazkaritzan mezua utzi eta harremanetan jarriko gara zuekin. Eskerrik asko.

Besterik gabe

Udaberri Guraso Elkartea

Jarraitu irakurtzen
Kategoriak Sailkatu gabea | Erantzun

Haurren arreta eta errespetua lortzeko bideak

Baikara Gipuzkoako Ikasleen Gurasoen Federazioak ikastaro bat eman zuen ostiralean, hilak 20, Udaberri Guraso Elkarteak antolatuta. Azkoitiko Ikastola Xabier Munibe HLHI ikastetxean eskaintzen diren eskolaz kanpoko ekintza guztietako eta zaintza zerbitzuko langileei zuzendutako ikastaroa izan zen, eta guztira, 28 parte-hartzaile elkartu ziren. Bi orduko saioa izan zen, eta dinamika teorikoak nahiz praktikoak landu zituzten. 

Kategoriak Sailkatu gabea | Erantzun

Otarrera mendi irteera izango da larunbatean

Etzi, larunbata, mendi irteera antolatu dute Eskola Kirol kontseiluko kideek, Otarrera. LH3, 4, 5 eta 6 mailetako ikasleentzat eta haien gurasoentzat izango da txango hau, eta 09:30etan abiatuko da Xabier Munibe Ikastolatik. Hasteko, ikastolatik Aitzara joango dira, eta ondoren, Aitzatik Otarrera.

Haurrei ibilaldira jateko eta edateko zerbait eramateko gomendatu diete Eskola Kirol kontseiluko kideek; halaber, gaztetxoak txangora ikastolako kamiseta eramatera gonbidatu dituzte. Bestalde, kontseiluko kideek nabarmendu dute eskola kirolean izena emanda dauden LH3, 4, 5 eta 6 mailetako ikasleek antolatzen diren ekintza guztietan parte hartzeko konpromisoa dutela.

Kategoriak Sailkatu gabea | Erantzun

Ikasturte berriarekin batera, motxila berriak

Xabier Munibe Ikastolak 50 urte beteko ditu hasi berri den ikasturtean, eta Udaberri Guraso Elkarteak motxila bana oparitu die ikasleei gaur, astelehena, ikasturte berria hastearekin batera. Hori dela eta, haur guztiak motxila banarekin atera dira beren geletatik.

Jarraitu irakurtzen
Kategoriak Sailkatu gabea | Erantzun

Hamaika ekintza Xabier Munibe Ikastolako Egunean

Xabier Munibe Ikastolako Eguna ospatzen ari dira gaur, zapatua, ikastolako hainbat ikasle, irakasle eta guraso. Goizeko 09:30etatik ikastolako txikienak atarian elkartu dira beren gelakideekin batera eskulanetan, puzgarrietan, saskibaloian, futbolean, pilotan, atletismoan eta beste hamaika ekintzetan gozatzeko. Eguerdian, ikastolako aretoan urteroko bazkaria egingo dute.

Jarraitu irakurtzen
Kategoriak Sailkatu gabea | Erantzun

Xabier Munibe Ikastolaren Eguna ospatuko dute zapatuan

Xabier Munibe Ikastolaren Eguna ospatuko dute zapatu honetan, ekainak 15, Udaberri guraso elkarteak antolatuta. Ikastolako atarian elkartuko dira ikasleak, irakasleak eta gurasoak.

Jarraitu irakurtzen
Kategoriak Orokorra | Erantzun

Haur andana XXXVII. Ikaskirol Krosean

37. Ikaskirol Krosa izan da gaur eguerdian herriko kaleetan, Ikaskirol taldeak antolatuta. HH05eko ikasleetatik hasi eta DBH2 mailara arteko neska-mutilek parte hartu dute lasterketan.

Jarraitu irakurtzen
Kategoriak Sailkatu gabea | Erantzun

Mendi irteerak umeekin: salda badago!

Aurtengo ikasturtean, lehenengo aldiz, Azkoitiko hiru ikastetxeetako (Xabier Munibe Ikastola, Floreaga Salestar Ikastetxea eta Bizilore Eskola Aktiboa) guraso elkarteek elkarlanean antolatu ditugu mendi irteerak, eta egia esan esperientzia ederra izan da!

Jarraitu irakurtzen
Kategoriak Eskolaz kanpokoak | Erantzun

Jertse berriak salgai, ikastolaren 50. urteurrenean

Gure ikastola Xabier Munibek 50 urte beteko ditu datorren ikasturtean. Hori dela eta, eta burutuko diren ekintza desberdinen ildotik, urteurrenerako aukeratu den irudi berriarekin jertseak egin ditugu, gure ikastola eta festa haundi honi ikusgarritasuna emateko helburuarekin.

Jarraitu irakurtzen
Kategoriak Sailkatu gabea | Erantzun

Ihintza Aranburuk irabazi du Ikastolaren 50. urteurreneko logotipo lehiaketa

Xabier Munibe Ikastolak 50 urte beteko ditu datorren ikasturtean. Hori dela eta, burutuko dugun festa handiaren ildotik, hirugarren zikloko ikasleei logotipo berezi bat sortzeko eskatu zitzaien. Hainbat izan dira proposamenak eta denak oso onak —nahi izanez gero, ikastetxeko sarreran daude ikusgai—. Ihintza Aranbururen logoa izango daurteurrenko irudia.

Jarraitu irakurtzen
Kategoriak Sailkatu gabea | Erantzun